![[ مُنتَديَات رَوعَة الغَ ـرَامْ ]](https://i.servimg.com/u/f44/11/94/21/28/i_logo13.jpg){kind=logo}
بسم الله الرحمان الرحيم
هذي فضايح الشباب
1- نوعية من الشباب تشوفهم في البيت غير وعند الناس غير أبسط مثال
يافلان قم ود اختك المستشفى تراها تعبانه يقول هاه وش فيها مافيها الاا العافية بس اذا واحد من اخوياه تعبان يقوم
يطير طيران علشان يوديه المستشفى لا ويرافق معه
وإلا يافلان نبي خبز واللي يعافيك جب لنا يقول ماعلي منكم عمركم
مااكلتوا سوو ريجيم وعند اخوياه يطبخ لهم لا
ويغسل المواعين بعد
2- الملابس:
دولاب الملابس يشتكي من كثرها وما تشوفه الا بقميص واحد واتحداك يغيره
ينام فيه ويقوم فيه ويصلي فيه ولايخلي
أحد يغسله ، واذا جاء يطلع للسوق شوفوووه ساعه عند المرايه يعدل شماغه
3- الكسلان
وياكثرهم كثراه زي الرز ودي أشوف شاب يشيل عن اخته أو زوجته أو
حتى أمه بعض الأغراض بالسوق لا تلاقيه
مطير عيونه بالبنات والضعيفه وراه تسحب أكياسها الوحدة تشوف
المصريه واللبنانيه تحسدها على الذوق اللي عند
رجالهم ما يخلونهم يشيلون شي
4- الشاب الفوضوي
هذي بسيطه شوفوا سيارته تجيك السيارة وصخه كلها غبار من يوم شراها ماغسلها لا ويقول هذي غبار الوكالة
لاوكاله ولاغيره الا عاجز يغسلها لاا واذا شفتها من الداخل ماتدري وين تحط رجلك من هذي قوارير تحت رجلك
واسلاك وقراطيس وفصفص ومناديل وثلاجات الشاهي لها سنه بالسيارة وبلاوي كل وصاخة الدنيا داخل السيارة والا
ريحة الدخان اللي تدوخ الراس
5- راعي الحق والواجب
كل يوم يجيب لزوجته ذبيحه ويالله اطبخي كل يوم طبخ ونفخ يعني الواحدة ودها تطلع مع زوجها وعيالها يتمشون
وينبسطون وهذا كل يوم جايب ربعة يلعبو ورق للصباح والمسكينة بالمطبخ وياويلها اذا احتاجت شي ودقت على
جواله تقطع عليه لعب الورق هذي مصيبه
6- الشاب المدلع
تشوف راسه ماتدري هو راس بنت والا ولد تسريحات ماأدري من وين يجيبونها اللي فالق راسه من النص تقل ثور
واللي مسويلي تسريحة بطل التيتانيك وهو يحوم الكبد يطلع شكله تقل هندي
7- الشاب النصاب
هذولا عد واغلط ياكثرهم يجيك الواحد يقول يووه سيارتي ( الفراري ) اللي طالبها من برى تأخرت والله ماجت الى
الحين اخاف ان عمارات نييورك طاحت عليها ..وهو زين ان معه ددسن
ما شفتوا جوالي هذا جايبه من دبي والله ....وهو شاريه من الحراج
8- الشاب المعصب
وهذا مسوي فيها شخصيه يدخل ينفخ ويطلع ينفخ والمشكلة ماينفخ الا على اخواتة يدور المشاكل دواره يحسب ان
باسلوبه هذا يخوف الناس مايدري ان النوعيه هذي يكون بداخله انسان ضعيف
9- الشاب المغرور
ماأدري بعضهم شايف نفسه على ايش شين وقوة عين وأغلب اللي كذا يحس باالنقص ومن زود احساسه بالنقص
يحاول يرفع نفسه عن الناس وما يدري ان من تواضع لله رفعه
10- الشاب راعي التفحيط
هذا اذا فتحنا راسه تلاقي مخه تقل جريش من كثر ما يفتر بها الشوارع لا يفهم ولا يدري وين ربي حاطه ماعنده ما عند جدتي
11- الشاب الغزلنجي
24ساعة بالسوق وطابعين ارقامهم ماليين كرتون ويالله توزيع حتى بعضهم يذب الرقم على شغالاات وهم مايدرون
تروح توري كفيلها الرقم شوف شوف بابا هذا هديه
12- الشاب الحساس
هذا ولي يرحم امك حافظ عليه و لا تفرط فيه ترى ماتحصل زيه هذا اذا اذا لقيت حساس
هههههههههههههههههههههههههههههههه
يـالله بنـاات الله الله بالتشمت ..ههههههه[ندعوك للتسجيل في المنتدى أو التعريف بنفسك لمعاينة هذه الصورة]
![[. المُرَآقِـبْ العَ ـآمْـ .]](https://2img.net/h/www10.0zz0.com/2010/08/01/02/131923670.png "[. المُرَآقِـبْ العَ ـآمْـ .]")
