رن جرس الموبايل للمرة الخامسة وردت عليه الخطيبة:
الخطيب : أعتقد أنا إنسان مو ***** تطنشيني وماتردين على تيليفوناتي.
الخطيبة : رد السلام في الأول وبعدين نتفاهم.
الخطيب : شو راح يكون عذرك يعني بتقولين كنت نايمة ولا قاعدة مع أمي وخواتي.
الخطيبة : الله يسامحك تتهمني قبل ما تسمع مني.
الخطيب : بصراحة الأمر واضح بدون ماتوضحين..ليش ماتردين على تيليفوناتي أكيد كنتي مشغولة مع غيري ما كنتي فاضية لي؟
الخطيبة : بصراحه فعلا كنت مشغولة مع غيرك.
الخطيب : مين هذا اللي مأخذ عقلك وكل تفكيرك لدرجة ما خلاكي تردين على تيليفوناتي؟
الخطيبة : بصراحه لما أكون معاه أنسى الدنيا وما فيها فلازم ياعزيزي تعذرني.
الخطيب : وبكل وقاحة تقولين هذا الكلام قدامي وحنا بعدنا مخطوبيين فلو تزوجنا شو كنتي بتسوين؟
الخطيبة : الله يسامحك ما في داعي للغلط مادمت أنا ما غلطت عليك.
الخطيب : كل هذا وما غلطتي..تطنشين تيليفوناتي وماتردين علي 4اتصالات طول اليوم ، ولما رديتي الحين تقولين لما أكون معاه أنسى الدنيا وما فيها كل هذا وما غلطتي؟
الخطيبة : هذا ما حصل فعلا كنت مشغولة معاه وما قدرت أرد على تيليفوناتك.
الخطيب : الظاهر ما راح نقدر نكمل هذي العلاقة فخليكي مع اللي كنتي مشغولة معاه واللي فضلتيه علي.
الخطيبة : جزاك الله خير هذا أحسن شي سويته.
الخطيب ، باستغراب : ليش أنتي فرحانة لفسخ الخطوبة ومنو هذا اللي ضحيتي فيني علشانه؟
الخطيبة : أنا فرحانة لان اتصالاتك الأربعة اليوم كشفت لي شيء خطير يبعدني عنك ويخليني أصمم على فسخ الخطوبة.
الخطيب باستغراب : ممكن تفهميني أكثر.
الخطيبة : أنت اتصلت فيني اليوم الساعة 11و45دقيقة ظهرا والساعة 3و45 عصرا والساعة 6و30 المغرب والساعة 8مساء وهذا هو اتصالك الخامس اللي تكلمني فيه
الخطيب : شيء عجيب انك تتذكرين حتى ساعة الاتصال بكل دقة.
الخطيبة : أتذكرها لأنها الأوقات اللي أكون فيها مشغولة مع أحب واللي أنسى كل شيء من أجله وبالذات لما أكون معاه في هذي الأوقات.. وأنا الآن فرحانة
لأني اكتشفت انك مشغول عن من هو أحق بانشغالك به ، تحب تعرف أنا مع من كنت؟
الخطيب : مين اللي مشغولة معاه؟
الخطيبة : كنت مع الله ، لأنك كنت تتصل فيني في أوقات الصلاة الوقت اللي أكون فيها منقطعة عن الدنيا وما فيها ، وأنا ما أقدار أرتبط في إنسان لا تربطه صلة بالله.
أغلقت الخطيبة التيليفون بوجه خطيبها بعد أن قررت هي الابتعاد عنه.